皇驛娛樂城

寵物係自己家人，好多人對毛孩嘅愛都絕唔畀自己親人少。可惜寵物始終係動物，生命比人短，喺短短十年八載嘅生命之後就會離開，留低主人感受永遠嘅傷感，好多人甚至接受唔到寵物離世，決定唔會養寵物。泰國早前有新聞仲得人驚，竟然有位青年因為接受唔到自己寵物狗離世，為佢舉辦一場喪禮之後，就自殺死亡，決意跟同寵物一齊上路。

不過人類目前未有可以延長寵物生命嘅能力，但仍可以有方法用另類辨法留低寵物，就係將寵物製成標本！咪以為只有動物園、博物館等場所先可以，原來有民間標本師，喺台灣就有一位子承父業，全台唯一一位民間標本製作師，郭偉宏。佢依柯打製作標示，而且動物類型非常廣泛，由貓狗、以至龜、雀、魚都得。大多委託者都係不捨寵物離世，希望永遠留住毛孩最後一刻。而且佢嘅手藝強到可以完整地連寵物嘅內臟各樣一切都保留。

較特別嘅case包括有一對公公婆婆無兒無女，唯一養嘅哈士奇過世後，郭偉宏成功令病死嘅狗狗回復光澤嘅皮膚，還原成最健康嘅一刻。標本製作最平由5萬台幣起，按大小及難道而定，最貴嘅係受動物園委託，將鱷魚變成標本，要用成10萬台幣！